மறக்கமுடியாத பொன்விழா சந்திப்பு! 15

மதியம் 3 மணிக்கு வெளியே செல்ல ஆயத்தமாக இருக்கவேண்டும் என்பதால் விரைவில் சாப்பிட்டுவிட்டு அறைக்கு சென்று சற்று ஓய்வு எடுத்து வரலாம் என நினைத்தவர்கள் முதல் பந்தியில் சாப்பிட அமர்ந்தார்கள். நான் இரண்டாம் பந்தியில் சாப்பிடலாம் என நினைத்து காத்திருந்தேன்.




நண்பர்களும் அவர்தம் குடும்பத்தாரும் சாப்பிடும்போது எடுத்த படங்களில் சிலவற்றை கீழே தந்திருக்கிறேன்

உணவு பரிமாறியிருப்பதை மேற்பார்வையிடுகிறார் நண்பர் நாச்சியப்பன்.

இரண்டாம் பந்தியில் நண்பர்கள் நடராஜன்,சேதுராமன், T.N.பாலசுப்ரமணியன் மற்றும் கோவிந்தராஜன் ஆகியோருடன் நான் சாப்பிட்டபோது

மதிய விருந்தில் ஒரு திருமண வீட்டு சாப்பாடு போலவே வடை பாயசத்தோடு உணவு பரிமாற ஏற்பாடு செய்து எங்களை திக்குமுக்காட வைத்துவிட்டனர் விழாக் குழுவினர்.

சாப்பிட்டுவிட்டு அறைக்கு சென்றபோது மணி 2.30 ஆகிவிட்டது. 3 மணிக்கு கிளம்பவேண்டும் என்பதால் ஓய்வெடுக்காமல் உடனே வெளியே செல்ல தயார்படுத்திக் கொண்டு நானும் என் மனைவியும் ஓட்டலுக்கு வெளியே வந்தோம். அங்கே எங்களை அழைத்து செல்ல தயாராக நின்றிருந்த பேருந்தில் ஏறி அமர்ந்தோம்.

எல்லோரையும் ஒரே சமயத்தில் அழைத்து செல்லமுடியாதாகையால் விழாவிற்கு வந்தவர்கள் அனைவரையும் இரண்டு குழுவாக பிரித்து அழைத்து செல்ல ஏற்பாடு செய்யப்பட்டிருந்தது. நாங்கள் முதலில் வந்துவிட்டதால் எங்களை ஏற்றிக்கொண்டு பேருந்து நேரே தஞ்சை அரண்மனைக்கு அழைத்து சென்றது.

நாங்கள் பார்க்க இருக்கும் இடங்கள் பற்றி விளக்கமாக எடுத்துரைக்க பேருந்தில் நண்பர் முருகானந்தம் எங்களுடன் வந்தார்.. அரண்மனையை அடைந்ததும் நாங்கள் அரண்மனையைப் பார்க்க அவருடன் உள்ளே நுழைந்தோம்.


தொடரும்